Быйыл Дьокуускай олохтоохторун уонна ыалдьыттарын дьиҥнээх бэс лабааларыттан таҥыллыбыт 16 миэтэрэ үрдүктээх светодиоднай гирляндаларынан тырымныы оонньуур, араас өҥнөөх оонньуурдарынан, киэргэлинэн симэммит кырасыабай харыйа күүтэр.

Болуоссат бэйэтэ саха мындыр маастардара айан-тутан оҥорбут араас уотунан суһумнуур муус оҥоһуктарынан киэргэтиллибит.

Бырааһынньыктааҕы тэрээһиҥҥэ харыйа тула хоровод тэриллэн кырачааннары алыптаах остуоруйа эйгэтигэр сиэтэн киллэриэҕэ, эдэрдиин-эмэнниин фейерверк уотун анныгар көрү көҕүлүттэн тутуохтара, хаар сыыртан сырылыахтара, Эһээ Дьыл, Хаарчаана эҕэрдэлиэхтэрэ уонна, биллэн турар, Саҥа дьыллааҕы бэлэхтэр туттарыллыахтара!

Кэлиҥ, сылдьыҥ, Саҥа дьыллааҕы настарыанньа долгунугар уйдаран сынньаныҥ!