Күрэхтэһиини республика ИДЬМ-тын тус састаабы кытта үлэҕэ управление начальнига, полковник Виктор Шукшин аста, кыттааччыларга ситиһиилэри баҕарда.

Манна кыттыыны СР ИДЬМ-тын 8 араас салааларын, ону тэҥэ Хаҥалас, Амма, Уус-Алдан, Мэҥэ-Хаҥалас уонна Чурапчы оройуоннардааҕы полициятын үлэһиттэрэ кэллилэр.

Дьахталларга тус бастыыр иһин күрэхтэһиигэ бастакы миэстэни ИДЬМ идэҕэ бэлэмниир Кииниттэн Валентина Алексеева, иккиһи – СР ИДЬМ-ын ОМОН үлэһитэ Евгения Гончар уонна үсүһү – Мэҥэ-Хаҥалас оройуонуттан Надежда Степанова ыллылар.

Эр дьоҥҥо бастакы миэстэни ИДЬМ идэҕэ бэлэмниир Кииниттэн Алексей Егоров, иккиһи СР ИДЬМ-ын ОМОН үлэһитэ Леонид Гацуцин, үһүскэ - Мэҥэ-Хаҥалас оройуонун полициятыттан Николай Атласов ылары ситистилэр.

Тыҥааһыннах киирсии кэнниттэн күүстээх хамаандалар билиннилэр. Үһүс миэстэни Мэҥэ-Хаҥалас оройуона, иккиһи – СР ИДЬМ-ын ОМОН хамаандата ыллылар. Кыайыылаахтар, грамота уонна мэтээл таһынан сыаналаах бириистэринэн наҕараадаланнылар, оттон көһө сылдьар кубок бочуоттаах бастакы миэстэҕэ тахсыбыт ИДЬМ идэҕэ бэлэмниир Киинигэр туттарылынна, диэн СР ИДЬМ-ын пресс-сулууспата иһитиннэрэр.