Ити быһылаан түмүгүнэн «Якутское» ММУ силиэстийэлиир управлениета холуобунай дьыала арыйбыта.

Биллибитинэн, тохсунньу 5 күнүгэр түүн саха санаалаах итирик туруктаах Чернышевскай уулуссаҕа баар олорор дьиэ подъеһыгар сылдьыбыт. Квартиралартан биирдэригэр олохтоох киһи, чаас ырааппытынан, бу киһини айдаарбатыгар эппит. Ол эрээри, итинтэн кыыһыран, итирик киһи бэйэтин дьиэтиттэн быһах ылан тахсан, ыалын квартиратыгар киирэн, буойа сатааччыны элбэхтэ искэ, түөскэ анньыталаабыт. Ылбыт баастарыттан эчэйээччи өйүн сүтэрбит, оттон хара санаалаах куоппут.

Билиҥҥи кэмҥэ холуобунай дьыаланы силиэстийэлээһин салҕанар, туох буолбутун сиһилии билэргэ үлэлэр ыытыллыллар, диэн СУ СК салайааччытын старшай көмөлөһөөччүтэ Надежда Дворецкая иһитиннэрэр.