Санатан эттэххэ, Александр Шадрин Сочи олимпийскай дэриэбинэтин муус оҥоһуктарын аан дойдутааҕы конкурсугар бастаабыта. Эрдэ кини конкурска кыттыбыт үлэтэ «Кийиит туһунан номох» диэн биллэриллибитэ. Ол эрээри кини тэрийэр кэмитиэт этиитинэн Пушкин "Өлбүт сарыабына уонна сэттэ бухатыыр" остуоруйатын оҥорбут.

Үс миэтэрэ үрдүктээх скульптураҕа маастар курустаал таас хоруоп аттыгар хоруол уола Елисей сарыабынаны көтөҕөн турарын чочуйбут. Бу үлэҕэ Россия культурата чымпыктаан, сиһилии оҥоһуллубут. Быдан чочуонай, нарын үлэ ханнык да сүүнэ көһөҥө муустааҕар ордук тирэхтээхтик турарын Шадрин интервьюларыгар кэпсээбитэ.

Кини билигин Сочига муус оҥоһуктар пааркаларын саҥа композицияларын толоруунан дьарыктанар, олор туруктарын кэтээн көрөр үлэ бөлөҕүн салайар.