Кини конкурс ыытыллыахтаах "Красная Поляна" площадкатын аттынааҕы гостиницаҕа түстэ. Скульптор WhatsApp мессенджергэ биллэрбитинэн, Кытайтан сылдьар коллегатын кытта биир нүөмэргэ олохсуйда. Бу кэмҥэ атын дойдулартан конкурс кыттыылаахтара дьэ мустан эрэллэр эбит.

Күрэхтэһии Краснай полянаҕа түөрт күнүнэн, тохсунньу 26-гар саҕаланар. Муус оҥоһугу чочуйарга икки күн бэриллэр. Тохсунньу 29 күнүгэр номнуо кыайыылаахтар ааттара биллиэҕэ.

СИА корреспонден ыгар интервьютугар билиммитинэн, маастарга сүрүн утарсааччынан Сочи күнүн-дьылын туруга буолар. Гисметео сабаҕалааһынынан, сотору кэмҥэ Сочига 6-9 кыраадыс сылаас буолуоҕа. Маннык усулуобуйаҕа Александр Шадрин ааспыт сыллаахха Сочига үлэлээбитэ.