«2013 сыллаахха федеральнай бюджеттан туризм сайдыытыгар ыытыллыбыт үп кээмэйэ 2 млрд 487 мөл солкуобай этэ.  2014 сыллаахха  4 млрд 359 мөл солк ороскуоттанара былааннанар», — диэтэ Александр Радьков.

Кини ону таһынан Tripadvisor дааннайдарынан, ааспыт сыллаахха Россияҕа киирэр тас дойду дьоно 25%-нан элбэхтэ бронируйдаммыттар. Ордук элбэх турист Кытайтан (+120%), АХШ-тан (+47%), Канадаттан (+41%) уонна Францияттан (+22%) кэлбиттэрэ бэлиэтэммит.

Россияҕа ордук киэҥник биллэр хайысхаларынан Москва, Санкт-Петербург, Краснодарскай край буолбуттар.
Александр Радьков маннааҕы курортарга наадыйыы евро уонна доллар курстара үрдээбитинэн улаатыан сөп диэтэ, диэн  «Интерфакс-Туризм» иһитиннэрэр.