Бу күннэргэ делегациялар Нам, Таатта, Хаҥалас, Горнай, Муома улуустарын нэһилиэнньэлээх пууннарыгар сырыттылар.
Ол курдук, республики правительствотын бэрэссэдээтэлэ Феодосия Габышева салайааччылаах бөлөх олунньу  4-6 күннэригэр Нам улууһун нэһилиэктэригэр сырытта.

Бөлөхтөр анныларынааҕы бөлөхтөрү ыччат уонна дьиэ кэргэн политикатыгар миниистир Афанасий Владимиров, тыа хаһаайыстыбатын уонна аска-үөлгэ политикатын миниистирин солбуйааччы  Николай Попов,  экономика миниистирин солбуйааччы Наталья Дягилева, бас билии уонна сир сыһыаннаһыыларыгар миниистири солбуйааччы Михаил Никифоров,  культура уонна духуобунай сайдыы миниистирин бастакы солбуйааччы Туйаара Пестрякова салайаллар.

Афанасия Владимирова  салалталаах бастакы бөлөх олунньу 4 күнүгэр  Хамаҕатта уонна 1-кы Хомустаах нэһилиэктэригэр сырыттылар. Бүгүн, олунньу 5 күнүгэр, Үөдэй уонна Партизан нэһилиэктэрин дьонун кытта көрсүөһүөхтэрэ.

Түмүк күҥҥэ, олунньу 6-гар, делегация толору састаабынан Намҥа үлэлиэҕэ, онно 16.00 чааска  гражданнары кытта тус боппуруостарга көрсүһүү ыытыллыаҕа, оттон 17.00 ч түмүктүүр мунньах буолуоҕа, диэн ыччат министерствотын пресс-сулууспата иһитиннэрэр.