Сабаҕалаан силиэстийэлээһин быһыытынан, 2013 сыл ахсынньытын саҥатыгар киэһэ буруйданааччы дьиэтигэр сылдьан, бэйэтин 7 саастаах кыыһа ыйытыыта суох дьиэтиттэн баран хааларын, онон кинини бөһүөлэк устун көрдөтөрүн иһин кыыһыран, тирии курунан 4-тэн ордуга суох оҕотун охсубут, ол түмүгэр кыысчаан сиһэ, илиитэ-атаҕа  көҕөрбүт.

Буруйдуур  акт оҥоһуллубутн кэннэ прокурор  холуобунай дьыаланы суукка ыыппыт.

Билиҥҥи кэмҥэ кыысчаан  реабилитационнай кииҥҥэ сытар, тоҕо диэтэххэ ийэтэ инбэлиит буолан, ийэтин уонна кииринньэҥ аҕатын кытта туспа олорор эбит, онон оҕотун иитиигэ сатаан кыттыспата билиннэ.  Уолҕамчы аҕаны төрөппүт быраабыттан быһар туһунан боппуруос көрүллэ сылдьар, диэн Саха сирин прокурорун общественнай тэрилтэлэри кытта сибээскэ старшай көлөлөһөөччүтэ Геннадий Долганов иһитиннэрэр.