Суут мунньаҕар биллибитинэн, 2013 сыл алтынньы 31 күнүгэр буруйданааччы дьиэтигэр сылдьан, хараҥаҕа маҕаһыыны халыырга санаммыт. Ол санаанан салайтаран, трикотажнай бэргэһэттэн мааска оҥостон, пневматическай газ баллоннаах бэстилиэтинэн сэбилэнэн, куорат биир маҕаһыыныгар тиийбит. Атыылыыр түннүккэ кэлэн, хара санаалаах атыыһыт дьахтар диэки бэстилиэти туһаайан, өлөрүүнэн куттаан, харчыны биэрэригэр модьуйбут.

Ыга куттаммыт дьахтар маҕаһыын хоһугар саспыт уонна харабылы ыҥырдым диэн эппит. Итини истээт, халабырдьыт куоппут.

СИА-ҕа общественнай тэрилтэлэри кытта үлэҕэ прокурор старшай көмөлөһөөччүтэ Геннадий Долганов иһитиннэрбитинэн, суукка буруйдаах бэйэтин буруйдааҕынан билиммэтэх, атыыһыты көннөрү куттуохпун баҕарбытым диэбит.

Ол да буоллар, государственнай буруйдааччылар суукка бу киһи сокуону кэспитин итэҕэтиилээхтик дакаастаатылар.

Оройуоннаҕы суут сууттанааччыны буруйдааҕынан билиннэ уонна 6 сылга хаайыыга уурда.