"Эрдэ СР Роспотребнадзор Управлениета Ленин проспегын., 37-гэр турар «Шаурма» кафе-киоскаҕа 20-тэн тахса кэһиилэри булбута. Биллэн тахсыбытынан, кафе дьиэтэ сууйуллубат, ас хаачыстыбатын сыаналааһын ыытыллыбат, үлэһиттэр медицинскэй карталара суох уонна да элбэх», - диир ЯМО по ИОВИП начальнигын солбуйааччы Юлия Филиппова.

Кини урбаанньыктар ирдэбили тутуспаттара дьон доруобуйатыгар уонна олоҕор кутталы үөскэтэллэр, диэн бэлиэтээтэ.

Чааһынай предприниматель суут мунньаҕар бэйэтин буруйун олоччу билиннэ, онон судьуйа киниэхэ 40 сууккаҕа үлэтин тохтоторго уураахтаата, ити кэм иһигиэр кэһиилэри барытын туоратарыгар дьаһайда. Ити туолбатаҕына, болдьох өссө уһатыллыаҕа.