Барыллаан силиэстийэ хаамыытыгар быһаарыллыбытынан, 2013 сыл ыам ыйыгар хара санаалаах Дьокуускай куорат Дзержинскэй уулуссатыгар баар дьиэ квартиратыгар киирэн 13 саастаах кыысчаан сөбүлэҥин ылан, хоонньоспут. Силиэстийэ буруйдаммыт киһи итинник иккитэ быһыыламмытын быһаарда.

Силиэстийэ кэмигэр саастарын ситэ илик оҕолор сокуону кэһиилэрин сэрэтэр органнар өттүлэриттэн үлэ ситэтэ суоҕун кэккэ дакаастабыллара көһүннэ. Эрдэ, 2012 сылтан 2013 сыл ыам ыйыгар диэри ити кыыс итинник буруйу кэһиигэ түбэспит. Итини сэргэ, бу кыыс түбэһиэх дьону кытта чэпчэкитик билсэн, кинилэр ыҥырыыларынан баран хонор идэлээх эбит.

СР СК управлениетын ИБЭ-ни кытта алтыһыыга салайааччытын старшай көмөлөһөөччүтэ Надежда Дворецкая иһитиннэрэринэн, кыыс куруутун бэйэтэ олорор сириттэн барар идэлээх, «Якутское» ММУ полициятын 1 отделын саастарын ситэ илик оҕолорго салаатыгар учуокка турар эбит да, ити территорияҕа ПДН үлэһиттэрэ сэрэтэр үлэни ыыппатахтар.

Билигин ити кыыһы Республикатааҕы саастарын ситэ илик оҕолор социальнай-реабилитационнай Кииннэригэр киллэрдилэр.

Итини таһынан, буруйдаах киһи Таатта оройуонугар быстах олорорго көҥүлү ылбыт. Ол аата кини 2013 сыллаахха регистрационнай учуоттан устуммут уонна салгыы регистрационнай учуокка турбатах, оттон ыам ыйыгар ити кыра саастаах кыыһы кытта сылдьыһан буруйу оҥорбут. Ити түгэннэр миграционнай органнар үлэһиттэрин ситэтэ суох үлэлэрин көрдөрөр.

Онон сибээстээн СР миграционнай сулууспатын Федеральнай Управлениетын начальнигын аатыгар итини туоратарга сурук ыытылынна.

2013 сыл ахсынньы 2 күнүгэр буолбут суут бириигэбэринэн содур киһи буруйдааҕа дакаастанна уонна 5 сылга уопсай хаайыыга уурулунна.