Кинилэр оҕолорго олимпийскай уот хайдах дойду устун айаннаабытын, Байкал түгэҕэр,  Эльбрус чыпчаалыгар уонна Хотугу полюска сылдьыбытын уонна Олимптан кэлбит уоту Россия 2900 куоратын олохтоохторо көрбүттэрин кэпсээтилэр.

Олимпиада уотун уматыы кэнниттэн киин иитилээччилэрин ортолоругар кыракый сүрэхтэһии ыытылынна. Оҕолор үөрүүлэрэ чаҕылхай буолла: үөрүүлээх хаһыы-ыһыы, ыстаҥалаһыы, сүүрүү-көтүү, аймалҕан… Тэрээһини көҕүлээччилэр, тэрийээччилэр уонна Киин социальнай педагогтара оҕолорго бириистээх конкурстары, викториналары уонна олус элбэх оонньуулары ыыттылар. Ол курдук, олимпиада уонна Кииҥҥэ сытар кырачааннарга чаҕылхай, дьоллоох түгэннэри бэлэхтээтэ.  

«Оҕолорбут мичээрдэрин уонна дьоллоох харахтарын көрөр туһуттан маннааҕар буолуоҕу толкуйдуохутун сөп!», – дэһэллэр Киин социальнай педагогтара Лилия Расторгуева, Лариса Шарина, Лена Захарова.