Григорий элбэх лауреат  наҕараадалардаах:

«Европа эрэллэрэ-2007» аан дойдутааҕы  фестиваль-конкурс лауреата.
Россия музыкальнай үрдүк үөрэҕин кыһаларын бүтэрээччилэр XXXIX-с көрүү-конкурстарын лауреата (2011).
Елена Образцова аатынан эдэр опера ырыаһыттар аан дойдутааҕы конкурстарын I бириэмийэтин лауреата (2011).
2011 сыллаахха Н.А. Римскэй-Корсаков аатынан Санкт-Петербурдааҕы  государственнай консерваторияны бүтэрбитэ.
2011 сыллаахтан – Мариинскай театр эдэр опернай ырыаһыттарын  Академиятын солиһа.
Соторутааҕыта Мариинскай театрга Джузеппе Верди “Дон Карлос” оператыгар сүрүн партияны ыллаабыта.

Эрдэ  Григорий Чернецов  Санкт-Петербург Мариинскай театрын Лариса Гергиева салайар эдэр ырыаһыттар  Академияларын састаабыгар киирсэн, Санкт-Петербурга Саха сирин Күннэригэр көхтөөх кыттыыны ылбыта, онно сэтинньигэ саха эстрадатын артыыстарын концертарыгар Василеостровскай оройуон ыччатын дьиэтигэр  ыллаабыта.

Кини  Россия,  Италия, Англия, Кытай бастыҥ концертыыр саалаларыгар Лариса Гергиеваны кытта гастроллуур, диэн Санкт-Петербурга Саха сирин постпредствотыттан иһитиннэрэллэр.