“ХИБҮ бөдөҥ научнай уонна үөрэтэр киин быһыытынан, Хотугу аҕыйах ахсааннаах олохтоох омуктар тылларын уонна култуураларын боппуруоһугар үгэс быһыытынан улахан болҕомто ууруллар, - Хотугу бэлэлиэгийэ хаапыдыратын дассыана Антонина Винокурова бэлиэтиир. - Кинилэргэ интэриэс мөлтөөбөт. Билигин ити боппуруостар, актыыбынайдык Аартиканы олохтооһунунан сибээстээн, сытыырхайан иһэллэр”.

Кэмпириэнсийэҕэ үнүбэрсиэт араас салааларын устудьуоннара кытыннылар. Барыта 46 дакылаат ааҕылынна. Кэтэхтэн 24 устудьуон уонна оскуола оҕото кытынна. “Кэмпириэнсийэ, биллиилээх учуонай северовед-учуонай Василий Роббек аатын сүгэр, -диэн Антонина Винокурова бэлиэтиир. Василий Афанасьевич хотугу олохтоох омуктар тылларын үөрэтиигэ сүдү кылааты киллэрбитэ, кини үлэлэрэ эдэр уонна үүнэр көлүөнэ ыччаттарга, үлэһиттэргэ көмө буолбуттара, буолуохтара даҕаны”.

Ыспыраапка:

Василий Афанасьевич Роббек - тунгус-манчьжуру үөрэтии эйгэтигэр тутаах учуонай буолар. Кини функциональнай грамматика түөрүйэтин туттан тунгус-манчьжур тылын научнай оскуолатын олохтообута. Бары сүүстэн тахса научнай үлэлээх, ол иһигэр 15 монография уонна учуобунньук ааптара, 10 учуобунай методическэй босуобуйаны уоннаүрдрүк үөрэх кыһатыгар, педучилищеҕа, оскуолаҕа аналлаах 5 эбээн тылын тылдьытын оҥорбута. Олортон 16 үлэ, хотугу тылы үөрэтиигэ сүҥкэн кылааты киллэрбитэ, хотугу аҕыйах ахсааннаах норуоттар билиҥҥи актуальнай боппуруостарыгар анаммыттара.