“Биһиги этэрээппит сотору кэминэн Амма уонна Ленскэй тэрилтэлэрин кытары дуогабар түһэрсээри былаанныыр. Былырыын туттуу этэрээтин ыччаттара, Бүлүүлүүр суол тыраагар актыыбынайдык үлэлээбиттэрэ-улахан көрдөрүүлэринэн муоста арыллыыта буолар. Хас биирдии киһи икки ый үлэлээн 50 тыһыынча хамнастаммыта”, - диэн “Дорожник” этэрээт хамадыыра, массыынаны оҥоруу хаапыдыратын 4 кууруһун устудьуона Сергей Семенов иһитиннэрдэ.
 
Тэрээһиҥҥэ, автотехника, суол тутуутун бакылтыатын бастакыттан үһүс кууруска дылы устудьуоннар кыттыыны ыллылар. Тэрийээччилэр бэлиэтииллэринэн, үгүс ыччат өрөспүүбүлүкэ араас объегын тутуутугар үлэлиэн бараҕарын биллэрдэ. Этэрээккэ номнуо 200 устудьуон суруйтарда. 
 
“Ону тэҥэ, Аартика сылынан сибээстээн, от ыйын 1 күнүттэн, Атырдьах ыйын 15 күнүгэр диэри, Тикси бөһүөлэгэр техника бөҕүн хомуйа барарга былаан баар. Тиксигэ баран үлэлээбит хас биирдии устудьуон биир ыйга 60 000 хамнастаныа. Көрсүһүүгэ үгүс устудьуон Тиксигэ баран үлэлиэн баҕарарын эппитэ олус кэрэхсэбиллээх”, - диэн Сергей Семенов иһитиннэрдэ.