Усуйаана оройуонугар суолу тутууга, авиационнай хааччылыы тупсарыгар, Арктика усулуобуйатыгар табыгастаах тырааныспар аныгы средствотын туһаныы, о.д.а. үлэтэ барарын тырааныспар, суол хаһаайыстыбатын миниистирэ Семен Винокуров эттэ.  

Егор Борисов сорудаҕынан Уус-Куйга-Казачье суол тупсарыллыбыт. Кыһыҥҥы суолу суһаллык оҥоруу түмүгэр үс ый устата Казачьеҕа сырыыга мэһэй, харгыс үөскээбэтэх. Ити үбүлээниитэ государсвеннай бырагыраамаҕа киирбит, онон, кэмигэр бэриллэр.

Арктика улуустарыгар уулуссалары, суолу оҥорууга республикатааҕы суол фондатыттан 65 мөл.солк., оройуоннарга 5 мөл.солк. анаммыт. Усуйаанаҕа ити үп-харчы Уус-Куйга, Депутатскай уонна Силээннээх нэһилиэгэр өрөмүөн үлэтигэр ыытыллыбыт.

Казачьеҕа, Усуйаанаҕа уонна Юкагир бөһүөлэгэр вездеходтары атыылаһарга үп-харчы бэриллибит. Пассажирдары таһыыга дьоҕус катердары ыларга контракт түһэрсиллибит.

Халаан кэнниттэн Уус-Куйга –Депутатскай суолун суһаллык өрөмүөннүүллэр. От ыйын 25 күнүттэн бу хайысханан сырыы салҕаныаҕа.

Бу сылга 86 «социальнай» авиарейстэр олохтоммуттар. Аэропорт дьиэтин бырайыактыырга контрагы түһэрсибиттэр.

Бэс ыйын 30 күнүттэн «Витим» уонна «Яна» земснарядтар үлэлииллэр, итилэр өрүс 220 см дириҥин хааччыйыахтаахтар. Балаҕан ыйын 1 күнүттэр «Олег Стрельченя» биир земснаряд эбии кэлиэхтээх.

МИ - 8  икки вертолету атыылаһар туһунан быһаарыы ылыллыбыт. Мантан биирэ Баатаҕайга базаланыаҕа уонна Усуйаана наадыйыытын хааччыйыаҕа.

Дьокуускайдааҕы өрүс пуордуттан суднолары атыласпыттар.