Ааспыт 2014 сыл спорт, ыччат дьыалаларын эйгэтигэр үгүс үтүө түмүктэрдээх сылынан буолла диэн улуус баһылыга Николай Старостин бэлиэтээтэ. Тэрээһиҥҥэ Ил Түмэн депутата Юрий Баишев, Ыччат миниистрин ыччат уонна дьиэ кэргэн политикатын министерствотын сүрүннүүр специалиһа Василий Данилов, оройуон Сэбиэтин бэрэссэдээтэлэ Андрей Находкин, улуус баһылыгын социальнай боппуруостарга солбуйааччы Иван Птицын, ыччат уонна дьиэ кэргэн дьыалаларыгар управление салайааччыта Константин Захаров уонна спорт дьыалатыгар управление салайааччыта Александр Брызгалов кытыннылар.

Бу күн араас эйгэҕэ бастыҥ үлэлээх-хамнастаах ыччаттар чиэстэннилэр. «Бастыҥ эдэр специалист» аатын: үөрэҕирии эйгэтигэр - Ф.Г.Охлопков аатынан Майатааҕы орто оскуола нуучча тылыгар уонна литературатыгар учуутала Марианна Сивцева, доруобуйа харыстабылыгар - оройуоннар икки ардыларынааҕы травматологическай салаа травматолог бырааһа Василий Солдатов, олох-дьаһах коммунальнай хаһаайыстыбатыгар - «Теплосбыт» учаастагын хочуолунайын газооператора Леонид Скрыбыкин, тыа хаһаайыстыбатыгар - Тараҕай нэһилиэгин «Мэҥэ» ТХПК бэрэссэдээтэлэ Егор Климентов, быраабы араҥаччылыыр уорганнар эйгэлэригэр - силиэстийэлиир отдел следователэ Дмитрий Спиридонов, культура уонна духуобунай сайдыыга - «Кыталык» оҕо-ыччат эстетическэй киинин үҥкүүгэ үөрэтэр специалиһа Алена Давыдова, ыччат уонна дьиэ кэргэн политикатыгар - Алтан нэһилиэгин ыччатын специалиһа Дмитрий Попов сүктүлэр.

2014 сыл түмүгүнэн «Бастыҥ спортсмен» аатын: боксаҕа аан дойду кылаастаах спорт маастара Василий Егоров, көҥүл тустууга РФ спордун маастара Ньургун Скрябин, мас тардыһыытыгар СР спордун маастара Игорь Дьяконов, гиирэ спордугар республика чемпиона Алексей Тастыгин, боксаҕа РФ спорка маастара Шамиль Наурузов, мас тардыһыытыгар СР спордун маастара Анна Терентьева, чэпчэки атлетикаҕа РФ спордун маастарыгар кандидат Георгий Шергин, көҥүл тустууга РФ спордун маастара Виктор Вавилов, оҕунан ытыыга РФ спордун маастара Семен Захаров, нуучча дуобатыгар РФ спордун маастара Анна Чупрова сүктүлэр.

Дьокуускайга мас тардыһыытыгар аан дойдутааҕы бастакы чемпионатыгар ситиһиилээхтик кыттыбыт спортсменнарга: чемпион аатын сүкпүт Игорь Дьяконовка (тренер Андрей Винокуров) 75000 солкуобай, үрүҥ көмүс призерга Александр Соловьевка (тренер Николай Бояров) 50000 солкуобай, үрүҥ көмүс призерга Анна Терентьеваҕа (тренер Алексей Попов) 50000 солкуобайдаах, тренердэригэр 10000 солкуобайдаах сертификаттары туттардылар.

Ил Түмэн Государственнай мунньаҕын депутата Юрий Баишев Бырама ыччатын специалиһыгар Инга Сергучеваҕа, Бүтэйдээх ыччатын специалиһыгар Надежда Увароваҕа, оҕунан ытыыга оҕо-ыччат спортивнай оскуолатын тренеригэр Прокопий Васильевка, чэпчэки атлетика тренеригэр Дмитрий Павловка, Моорук орто оскуолатын физкультураҕа учууталыгар Николай Бояровка, «Эркээйи» хаһыат отделын редакторыгар Марфа Птицынаҕа уо.д.а. Ил Түмэн Бочуотунай грамоталарын туттартаата.

Сыл «Бастыҥ эдэр дьиэ кэргэнэ» аат Наталья уонна Петр Катаевтарга, «Бастыҥ спортивнай дьиэ кэргэн» ‒ Төҥүлүттэн Евфросинья уонна Михаил Баишевтарга, «Тыа сирин бастыҥ дьиэ кэргэнэ» ‒ Чыамайыкыттан Александр уонна Николай Макаровтарга, «Бастыҥ общественнай түмсүү» ‒ «3-с көлүөнэ оскуолатыгар» (салайааччы Людмила Заровняева- Стручкова) иҥэрилиннилэр.

Ыччат уонна дьиэ кэргэн политикатын өйүүр «Бастыҥ баһылык» ‒ Томтор нэһилиэгин баһылыга Мирон Свинобоев, спорду өйүүр «Бастыҥ меценат» - предпринимателлэр: Руслан Федотов, Мансур Мубаракшин, «Мэҥэ автомагистраль» ХЭТ директора Артуш Шагинян, «Авангард» ХЭТ директора Николай Шишигин, адаптивнай спорка «Бастыҥ спортсмен» Василий Охлопков, «Бастыҥ суруланыыс» ‒ «Эркээйи» хаһыат редактора-директора Алена Докторова ааттаннылар.

«Сыл талаана» ааты республикатааҕы ыччат ыһыаҕар норуот ырыатын толорууга бастакы миэстэни ылбыт Яков Слепцов, «Доброволец» аатын Аллараа Бэстээх ыччакка специалиһа Леонид Болдаков, ыччат бастыҥ общественнай түмсүүтэ ‒ «Эдэр гвардия» түмсүүтэ (бэрэссэдээтэл Владислав Хабаров) сүктүлэр.

2014 сыл түмүгүнэн биир кэлим спартакиадаҕа бастакы бөлөххө кыайыылаах аатын сүкпүт Майа сэлиэнньэтигэр 50 000 солкуобай, Хара нэһилиэгэр 30 000 солкуобай, Нөөрүктээйи нэһилиэгэр 20 000 солкуобай; иккис бөлөххө кыайыылаах Баатара нэһилиэгэр 50 000 солкуобай, Бэдьимэ нэһилиэгэр 30 000, Ходоро нэһилиэгэр 20 000 солкуобайдаах суумалаах сертификаттары баһылыктарга туттартаатылар.

Дьоро киэһэни Вероника Неустроева, Сахаайа Ларионова, Ариан Пермяков, Дмитрий Слепцов, Мария Владимирова, «Кыталык» ансаамбыл коллектива уо.д.а. киэргэттилэр.