- Онно Ыҥаа нэһилиэгин баһылыга, специалистар, тэрилтэлэр салайааччылара, олохтоох сэбиэт дьокутааттара, тыа хаһаайыстыбатын управлениетын салайааччытын солбуйааччы, ыаллыы Саһыл, Мэҥэ Алдан нэһилиэктэриттэн тыа хаһаайыстыбатын специалистара кыттыыны ыллылар.
- Виталий Никитин илин эҥэр улуустарга халааҥҥа бэлэмнэнии туруга хайдаҕын, туох үлэ барарын сиһилии кэпсээтэ. Муус чараас, хаар халыҥ, кулун тутар 20 күнүнээҕи сибидиэнньэнэн муус халыҥа Алдан өрүскэ Охотскай Перевоз аттыгар 89 см, Кириэс Халдьаайыга - 98 см. Гидрологическай билгэлээһин муус устар 16-18 күнүгэр биллиэ.
- Томпо улууһа, чуолаан Ыҥаа 2001 с. халаан уутуттан улаханнык эмсэҕэлээбиттэрэ, онон сэрэхэдийэллэр. Алдан өрүскэ сааскы халаан уутун аһарыыга "Ыҥаа нэһилиэгэ" МТ баһылыга ЫБМ штабын бэрэссэдээтэлинэн буолар. Гидропостка эппиэтинэстээх, ЫБМ штабын бэрэссэдээтэлин солбуйааччы, ыксаллаах быһыыга-майгыга дьону уонна сүөһүнү көһөрөргө эппиэттээх дьон анаммыттар. Куттал суоһаатаҕына сүөһүлэри, сылгылары үрдүк сиргэ күрэтиэхтээхтэр. Алдан өрүс арыытыгар баар "Бордой" кооператив ыһыы сиэмэтин, туораах бурдугун, техникаларын уу ылбат үрдүк сиргэ таһаарбыт. Халааны этэҥҥэ аһарарга икки сэлиэнньэнэн икки массыына, икки тыраахтар, 5 мотуордаах оҥочо үлэлиэҕэ. Улахан болҕомто ыксал тирээтэҕинэ дьону сэрэтэр, биллэрэр үлэҕэ туһаайылынна.
- Хаартыскаларга: Томпоҕо 2001 сыллааҕы халаан.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети