"2011-2012 үөрэх дьылыттан саҕалаан, ХИБҮ Арассыыйа Бэдэрээссийэтин атын үөрэхтэрин кытары үрдүк үөрэх саҥа таһымын тиһигэр киирбитэ, бу саҥаны киллэриинии мин сөптөөх быһаарыныы дии саныыбын. Манна баалларынан көрөн устудьон үрдэтиллибит истипиэндьийэни ылыан сөбө дуу, суоҕа дуу быһаарыллар. Устудьуон наука, айар дьарык, спорт, спортивнай тэрээһиҥҥэ кыттыбытын тэҥэ, биһиги төһө сатабыллаахтык ырытарын көрүөхпүт", - диир ХИБҮ Уйулҕа үөрэҕин үнстүүтүн үөрэх салаатыгар дириэктэри солбуйааччы Виктория Шамаева.

Истипиэндьийэ 2014-2015 үөрэх дьылын бастакы аҥарыгар үһүстэн бэһис куурс устудьуоннарыгар ананыаҕа. Маннык биһирэбили уопсайа 10% кэриҥэ устудьуон ылыаҕа. Манан, научнай-чинчийэр үлэнэн дьарыктанар устудьуоннарга үрдэтиллибит истипиэндьийэ 20 500 солкуобайга тэҥнэһиэҕэ, оттон үөрэх туйгуннара 17 500 солкуобайдаах истипиэндьийэни ылыахтара. Спортка, айар үлэҕэ үрдүк көрдөрүүлээх уопсастыба үлэһиттэригэр 14 900 солкуобай киириэҕэ диэн иһитиннэрэллэр үнүбэрсиэккэ.