Кини бэлиэтээбитинэн, биһиги дойдубутугар ийэ хапытаалын төлөөһүн программата улахан көдьүүстээҕин көрдөрдө. «Ийэ хапытаалын көмөтүнэн төрөппүттэр үс гыммыттан биирдэрэ дьиэ кэргэҥҥэ иккис эбэтэр үһүс оҕону, онтон салгыы төрөтөргө быһаарыныы ылыннылар», — диэн Дмитрий Медведев этиитин РФ Правительствотын пресс-сулууспата хатылыыр.

2007-2013 сылларга сертификаты барыта 4,5 мөл тахса ыал ыллылар. Ийэ хапытаалын төлөөһүн саҕаланыаҕыттан 2 мөл тахса ыал итини тутуннулар. "Ити тугу көрдөрөрүй? Ити аата бу миэрэ наадалааҕын, оҕолонорго көһүлүүрүн, дьайыылааҕын мэктиэлиир", — диэн бэлиэтээтэ премьер.

Итини таһынан, Дмитрий Медведев «2013 сыллаахха ийэ хапытаалын кээмэйэ 409 тыһ. солкуобай буоллаҕына, 2014 сыллаахха 429 тыһ. солкуобайга диэри эбиллиэ. Санатан эттэххэ, биһиги 300 тыһыынчаттан саҕалаабыппыт, ол аата индексация кээмэйэ дьоһуннаах» диэн эбэн эттэ.