Ол эрээри тыала суохха мас хамсаабат дииллэринии, өрөспүүбүлүкэҕэ итиччэ хамнаһы аахсар, өссө икки-үс бүк элбэҕи ылар дьон ахсаана эмиэ элбэх. Онон, уопсай суоттааһын (бары хамнас кээмэйин эбэн баран, нэһилиэнньэ ахсааныгар түҥэтии) түмүгэр орто көрдөрүү итинник сыыппараны көрдөрөр.

Бүгүҥҥү туругунан, хамнас орто кээмэйэ -- 49 463,9 солкуобай Улуустарынан, салааларынан хамнас уонна дохуот араастаһыыта тус-туһунан. Промышленнай улуустарга хамнас төһө эмит үрдүк. Холобур, уус-алданнар дохуоттара алданнардааҕар лаппа кыра. Саамай муҥутуур үрдүк хамнастаахтарынан -- сир баайын хостуур тэрилтэлэр, тутуу, государственнай салайыы, байыаннайдар уонна страховой эйгэ, транспорт, сибээс үлэһиттэрэ буолаллар.

Дохуоппут үрдээбитэ охсоро эбитэ дуу, хамнаһы төлөөһүҥҥэ иэс-күүс соһуллара-сыһыллара эмиэ баар. 2015 сыл ыам ыйын 1 күнүнээҕи туругунан, иэспит 43,1 мөл. солкуобайга тиийдэ. Бу былырыыҥҥытааҕар 12,7% үрдүк. Арааһа, кириисис содула буолуо.