Ити туһунан кини 2015 уонна 2016,2017 сыллардааҕы бюджеты дьүүллэһиигэ анаммыт публичнай истиигэ эттэ. 

Елена Горомарева Арктика сыла түмүктэнэ илигин, ол да буоллар сорох өрүттэр 2015 сыллааҕы бюджекка киирбэтэхтэрин бэлиэтээтэ. Уһук Илиҥҥэ олохтоох дьон хамнаһын үрдэтии боппуруоһа сытыытык турар. Билиҥҥи туругунан Арктикаҕа киирсэр 13 улууска орто хамнас кээмэйэ 39 тыһ.солк. Оттон өпөспүүбүлүкэҕэ 46 тыһ.солк. Муома, Эбээн-Бытантаай улуустарыгар 29-30 тыһ.солк.. Табаһыттар хамнастара намыһаҕын кини ойуччу тутан эттэ. Кинилэр билигин12600 солк. кээмэйдээх хамнаһы аахсаллар.

"Өрөспүүбүлүкэтээҕи спортивнай күрэхтэһиигэ кыттыар оҕолор уонна спортсменнар айаннарын ороскуотун толуйуу, этнокультурнай кииннэри тутуу судаарыстыба бюджетыгар киирбэтэх. Көһө сылдьан олохсуйар дьиэ кэргэттэри көҕүлүүр туһунан толкуйдуохтаахпыт ", - диэтэ Елена Голомарева.