2015 сыл муус устарыгар, ыам ыйыгар өрөспүүбүлүкэ 236 бэтэрээнэ маннык көмөнү ылыаҕа.

7 тыһ.солк. суумалаах харчыны концлааҕырга, геттоҕа хаайылла сылдьыбыт сокуоннай саастарын ситэ илик оҕолор, сэрии кыттыылаахтарын огдооболоро ылаллар.

"2015 сыл тохсунньу 1 күнүнээҕи туругунан өрөспүүбүлүкэҕэ концлааҕырга хаайылла сылдьыбыт 43 киһи баар. Итинтэн 13-һэ  Дьокуускайга олорор. Сэрии кыттыылааҕын огдооботун ахсаана – 1206. Мантан 534-дэ киин куоракка олорор ", - диэн социальнай сулууспа үлэһиттэрэ СИА-ҕа эттилэр.

Тыылга үлэлээбиттэр, концлааҕырга хаайылла сылдьыбыт сокуоннай саастарын туолбуттар бу ыйааҕынан 3 тыһ.солк. биир кэмнээх көмөнү ылыахтара.

"2015 сыл тохсунньу 1 күнүнээҕи туругунан өрөспүүбүлүкэҕэ тыылга үлэлээбит 9675 киһи баара, итинтэн 2871-рэ  Дьокуускайга олорор", - диэн министиэристибэ уонна куорат управлениетын бэрэстэбиитэллэрэ эттиллэр.