- Быыстапканы куорат дьаһалтата (баһылык Г.Ю.Алексеев), куорат дьахталларын сүбэтэ (бэрэссэдээтэл Т.Г.Харлампьева) тэрийдилэр. Уопсайа 36 талба талааннаах кытынна. Манна оҥоһуктарын көрдөрөллөр уонна сороҕун атыылыыллар, – диэтэ Покровскай куорат мунньаҕын дьокутаата Гера Шишигина.

- Покровскайга олоробун. Куукула оҥоруутунан балаҕан ыйыттан дьарыктанабын. Хайа баҕарар омук бэйэтин култууратын, фольклорун остуоруйаларын персонажтарын куукула нөҥүө көрдөрөр. Холобур нуучча араас куукулалара элбэхтэр. Ону бары билэллэр, онон оонньууллар. Оттон сахалыы куукулалар суохтарын кэриэтэ. Бэйэбит омукпут дьүһүнэ-майгыта, таҥаһа-саба, туттар мала-сала барыта бу куукулалар нөҥүө көстөр. Оттон куукулалардаах буоллахпытына оҕолорбут да оонньуо этилэр буоллаҕа дии. Бу күннэргэ Дьокуускайга быыстапкаҕа кытта киириэхтээхпит, оттон ыам ыйыгар Москва куоракка куукуланы оҥорооччулар көрүү-быыстапкаларыгар барар былааннаахпын — диэн Каролина Парфенова санаатын үллэстэр.

Дьэ, бу курдук улууспут талба талааннаахтара, көмүс тарбахтаахтара дьонноругар-сэргэлэригэр сонун үлэлэрин билиһиннэрдилэр.