Аҕа дойду Улуу сэриитигэр Кыайыы 70 сылын бырааһынньыктааһыҥҥа бэлэмнэнии Саха Өрөспүүбүлүкэтигэр 2011 сылтан саҕаламмыта. «Кыайыы» өрөспүүбүлүкэтээҕи тэрийэр кэмитиэт үлэлиир. Саха сиригэр Аҕа дойду Улуу сэриитин кыттыылааҕын сыла 2014 с. балаҕан ыйын 3 күнүттэн 2015 с. балаҕан ыйын 3 күнүгэр диэри биллэриллибитэ.

РФ Президенин Ыйааҕынан:

– 2014 с. 271 бэтэрээҥҥэ олорор дьиэтин олохтоохтук өрөмүөннэнэригэр – 40 мөлүйүөн, 2015 с. 32,8 мөл. суумалаах үп көрүлүннэ. Онон 175 бэтэрээн дьиэтин өрөмүөннэнэр кыахтаныа.

- 2008 сылтан тыыл бэтэрээннэрэ дьиэлэрин тутатына өрөмүөннэнэллэригэр 30-50 тыһыынча суумалаах материальнай көмө көрүллэр. 6400 киһи итинник көмөнү ылла.

х х х

Аҕа дойду Улуу сэриитин кыттыылаахтарын олохторун хаачыстыбатын үрдэтэр туһуттан эбии дьаһаллар ылыллаллар:

- олорор дьиэ уонна коммунальнай өҥөлөрү төлүүргэ ыйдааҕы төлөбүрдэр;

- аһылык сыаната үрдээбитинэн, кыбартаал аайы харчынан компенсация;

- чааһынай олорор дьиэни сылааска холбонууга биир кэмнээх материальнай көмө;

- тыыл бэтэрээннэригэр – тиис протеһын оҥорторуу, санаторийга-курортка эмтэнии ороскуоттарын харчынан компенсациялааһын, ыйдааҕы харчынан төлөбүрдэр.

 х х х

Кыайыы 70 сылыгар Аҕа дойду Улуу сэриитин бэтэрээннэригэр уонна онно сыһыаннаах дьоҥҥо биир кэмнээх харчынан төлөбүрдэр оҥоһуллаллар:

– 1941-1945 сс. Аҕа дойду Улуу сэриитин инбэлииттэригэр уонна кыттыылаахтарыгар – 20 тыһыынча солкуобай;

– 1941-1945 сс. Аҕа дойду Улуу сэриитигэр өлбүт буойуттар огдооболоругар уонна «Төгүрүктээһиҥҥэ түбэспит Ленинград олохтооҕор» бэлиэнэн наҕараадаламмыт дьоҥҥо – 15 тыһыынча солк.;

– 1941-1945 сс. Аҕа дойду Улуу сэриитин кыттыылаахтарын огдооболоругар – 10 тыһыынча солк.;

– тыыл бэтэрээннэригэр – 5 тыһыынча солк.;

– 1936-1945 сс. төрөөбүт сэрии төгүрүк тулаайахтарыгар – 3 тыһыынча солк.;

2015 сылга бу төлөбүрдэргэ 62,8 мөл. солк. көрүлүннэ.

х х х

Сэрии 606 кыттыылааҕа уонна инбэлиитэ, буойуннар огдооболоро «түрүбүөгэ кнопкаларынан» хааччылыннылар. Маныаха СӨ бюджетыттан 5,5 мөл. көрүлүннэ.

Кыайыы бырааһынньыгын бырагыраамаларыгар федеральнай сценарийдар – «Георгиевскай лиэнтэ», «Өлбөт үйэлээх полк», «Норуот Кыайыыта», «Саллаат хааһыта», «Өйдөбүнньүк вахтата» киллэрилиннилэр.

Ону сэргэ, өрөспүүбүлэкэҕэ «Кыайыы Знамята» эстафета, «Өйдөбүнньүк чүмэчитэ» дьаһаллар, «Ол улуу сылларга сүгүрүйэбит» сибэкки ууруутун сиэрэ-туома буолуоҕа. Саха сиригэр аан бастаан ыччат өрөспүүбүлүкэтээҕи байыаннай-патриотическай слета тэрилиннэ. Улуустарга барыларыгар байыаннай-патриотическай параадтар ыытыллыахтара.

х х х

2013-2014 сс. 65 пааматынньык саҥардылынна, 2015 с. 130 пааматынньыгы саҥардыы былааннанар. Ону таһынан, Саха сирин таһыгар баар пааматынньыктары (Ржев к. кыргыһыыларыгар охтубут саха буойуннарын мемориал-пааматынньыктарын уонна Новгород уобалаһын Старорусскай оройуонугар саха буойуннарын пааматынньыктарын) саҥардарга СӨ бюджетыттан үп бэрилиннэ.

Юбилейдаах дьаһалларга бэлэмнэниигэ уопсастыбаннас көхтөөхтүк кыттар. Волонтердар корпустарын регионнааҕы штаба тэрилиннэ, улахан өйөбүлү бэтэрээннэр тэрилтэлэрэ оҥороллор.