- Майыар оскуолатыгар үөрэх дьыла саҕаланыыта лидердэр слеттарыгар Кыайыы 70 сылыгар анаан оҕолор бэйэлэрэ тугу оҥоруохтаахтарын торумнаабыттара. Ол былаанынан сыл устата оҕолор хамсааһыннара үлэлиир. Үөрэнээччилэр өйдөбүнньүк-мемориалы көрөллөр-истэллэр, субуотунньуктууллар.
- Үгэскэ кубулуйбут «Кэскил киэһэтэ» быйыл Кыайыы 70 сылыгар анаммыта. Онно орто сүһүөх кылаас үөрэнээччилэрэ «Саха сириттэн сэрии геройдара», «Аатырбыт снайпердар», «Герой оҕолор » уо.д.а.тиэмэлэргэ хаһыат таһаарбыттара, оттон улахан кылаастар сэрии кэмин оҕолорун туһунан ахтыы кэпсээннэрин видеоҕа устан көрдөрбүттэрэ.
- Аҕа саастаахтар күннэригэр оҕолор ветераннарга көмөлөһөллөр, көрсүһүү тэрийэллэр. Бу үтүө үгэскэ кубулуйбута ыраатта.
- Биир улахан тэрээһининэн улуустааҕы «Буорах сыттаах хоһооннор» диэн уоланнар ааҕыылара буолар.
- Аҕа дойдуну көмүскээччилэр күннэригэр ыытыллыбыт «Бөҕө Боотур» куонкурус эмиэ Кыайыыга анаммыта. Балайда эрийсиилээх уолан киһи уйана-хатана биллэр күрэҕэр Черов Вася (IX кыл) кыайыылааҕынан таҕыста. Иккис миэстэҕэ X кылаас үөрэнээччитэ Черов Саша, үһүскэ X кылаас үөрэнээччитэ Корякин Вова тахсаннар, Аҕа дойдуну көмүскүүр эрэллээх солбук үүнэн иһэрин дакаастаатылар.
- Инникитин эмиэ араас тэрээһиннэр, субуотунньуктар, көрсүһүүлэр былааннаналлар. Сотору Кыайыы знамятын көрсүөхпүт.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети