“Быйыл бу олимпиада ыраах сытар улуустары хабан ыытыллыбыта олус кэрэхсэбиллээх. Ол курдук Анаабыр, Өймөкөөн, Орто Халыма улуустарын ааттыахха сөп. Бу олимпиада бүтүн Арассыыйа таһымнаах олимпиада буоларынан сибээстээн, Уссурийскайга, Партизанскайга, Волгоградка, Иркутскайга онтон да атын регионнарга, биһигини үөрэ-көтө көрсүбүттэрэ”, - диэн ХИБҮ үрдүк үөрэх иннинээҕи уонна профориентация бакылтыатын координационнай-аналитическай салаатын салайааччыта Юлия Карбышева иһитиннэрдэ.

Билигин ҮҮӨИуоПБ (ФДОП) ХИБҮ бэрэстэбиитэллэриттэн кыттааччылар үлэлэрин хомуйа олорор. Киирбит үлэлэри хамыыһыйа бэрибиэркэлиэҕэ.

Санатан эттэххэ, бу сылга физикаҕа Арассыыйатааҕы үөрэнээччилэр олимпиадаларын сэбиэтин эгидата ыытар оскуола олипиадатын испииһэгэ киирэн биэрдэ.

Түмүктүүр түһүмэх түмүгэ кулун тутар бүтүүтэ биллиэҕэ.