«Урукку өттүгэр үүттэн, о.д.а. бородууксуйаттан ылыллыбыт боруоба түмүгүн ыларга кэккэ уустуктар бааллара.  Билигин ветеринария уонна фитосанитарнай сулууспа "Сирано" диэн саҥа автоматизированнай систиэмэни киллэрбитин түмүгэр, ким баҕарар бэйэтин бородууксуйатын  туһунан түмүгү ылар кыахтанна",-  диир Сидорова.

Кини салгыы эппитигэр сигэннэххэ, бэрэбиэркэни ким, хаһан, хайдах ыытарын, ити түмүгэ хайдаҕын бүүс-бүтүннүүтүн бу систиэмэ нөҥүө кэтээн көрүөххэ, билиэххэ сөп.

 Россельхознадзор уонна ветеринарнай сулууспа бу систиэмэҕэ киирэллэр, иһитиннэриини Россельхоз сайтыттан булар кыах үөскээтэ.

Ветеринарнай-санитарнай өттүнэн кутталлаах табаар хайа диэки хамсыырын кэтээн көрөр туһугар бу систиэмэ анаан оҥоһуллубут.

 «Меркурий» инфосистиэмэ дойду араас муннуктарыгар тиийэр таһаҕаһы электорннай сертефикациялааһыҥҥа аналлаах. «Тэрилтэлэр бу систиэмэнэн туһанан электроннай сертефикаты ылыахтарын сөп », – диэн кэпсиир госинспектор.

Россельхоз хонтуруолунан хабыллар эбийиэги "Цербер" биир кэлим реестиртэн булуохха сөп.