ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Прокопий Бубякин

Обсуждаемое

WhatsАpp-ы туһанан...

7 ноября 2013, 18:37
Ыччат, дьон-сэргэ ортотугар кэлин «ватсап» (сөпкө ааҕылыыта «уатсапп» -- whatsapp) диэн сенсорнай сотовай телефон көмөтүнэн туһаныллар сибээс көрүҥэ күүскэ сайынна. Маҥнай, «ватсап» -- смс-һы, хаартыскалары, видеону мобильнай интернет көмөтүнэн босхо тарҕатар приложение быһыытынан киэҥник туттуллан саҕалаабыта. Ватсаба суох эдэр киһи билигин аҕыйаата. Урут кимниин эмэ билсэргэ бастакынан: "Контакка («Вконтакте.ру» соцситим – авт.) бааргын дуо?" -- диэн ыйытан саҕалыыр эбит буоллахтарына, билигин оҕолор бастакы ыйытыылара: «ватсаптааххын дуо?» -- диэн буолла. Утуйан эрэллэрин, тугу сии олороллорун, хааман иһэн тугу көрбүттэрин барытын тута суруйаллар, хаартыскаҕа түһэрэн табаарыстарыгар, ватсапка баар бөлөхтөргө ыыталлар. Олус оперативнай сибээс! Манна кэлин мин биири бэлиэтии көрөр буоллум.

Ыччат ортотугар биһирэнэр сибээс көрүҥүн хараҥа санаалаахтар туһанар буолан эрэллэр.    
Ватсабынан саха ыччатын ортотугар национальнай боппуруоһу күөртүүр буоллулар. Кимнээх суруйаллара биллибэт, автордара суох... Киһи сөҕүөх, сахалыы олус ыраастык, ылыннарыылаахтык суруйаллар. Кимнээх эбитэ буолла? 
Ватсабынан кэлбит кэпсээннэртэн сорохторун холобурдуум. Дьокуускайга мечеть иннигэр турар саха оҕонньорун Кавказ уолаттара «уйди, неверующий» диэн үүрбүттэр, «бэйэм сирбэр ханна баҕарарбынан сылдьыам» диэбитигэр кырбаабыттар үһү. Саха кыыһа «овощи, фрукты» маҕаһыыҥҥа киирбитигэр Орто Азия уолаттара «приставайдаабыттар», кыыс кыыһырбытыгар бэйэтин «вы же все шл...и» диэн үөхпүттэр. Өссө биир аудиозапись ватсап устун тарҕана сылдьар. Аудиозапись быыбар саҕана ордук хойуутук ыһыллыбыта. Саха уолун куолаһа дьахтарымсах Петр Алексеев аатынан оройуоҥҥа төрөөбүтүттэн, Дьокуускайга эмиэ Петр Алексеев аатынан уулуссаҕа олоруттан хомойон суланар-кэлэнэр. Иһиттэххэ, саха дьонун кэлии омуктарга утары туруорар соруктаах. Кырдьык хордьук кэпсиир, автора биллибэт... Аахпыт, истибит саха киһитэ хаана оргуйар, абатыйар гына соруйан суруллубуттара көстөр.
Маннык ис хоһоонноох тиэкистэр, записьтар элбэхтэр. Инникитин да сүтүөхтэрэ суоҕа. Саха ыччата маннык быстах угаайыларга киирэн биэримиэххэ. Кимиэхэ да утары турар биһиэхэ букатын наадата суох. Ити үксэ сымыйа остуоруйалар. Ону итэҕэйэн сутуругу суураламыахха. Билиҥҥи халбаҥ үйэҕэ бэйэ аатын үрдүктүк тутан, ону тэҥэ конфликтан туттунан сылдьар ордук. Күөнтэһэр, былдьаһар-тараһар омуктар үтүө олоххо тиксибэттэрин күннэтэ аан дойду сонуннарыттан көрө-билэ сылдьабыт. Омуктар өйдөһүүлэрэ, тулуйсуулара уонна ытыктаһыылара -- бүгүн нус-хас олохпут сүрүн ирдэбилэ буолбутун билиниэххэ.

Просмотров: 1915 Комментариев: 0 Автор: Прокопий Бубякин
Стиль и орфография автора сохранены.
Мнение автора может не совпадать с мнением редакции.

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ