Эдьиийи эрэйдииллэр

 
Соторутааҕыта маршрутнай автобуһунан баран иһэн дракон чуучалатын көрбүтүм. Чуучаланы көрөн баран ханнык санаа киирбитин уонна телефонунан хаартыскаҕа түһэрбиппин суруйан турабын. Ол кэннэ аны Россия.24 каналы холбоон олимпийскай уот эстафетатын туһунан сюжеты көрдүм.
«Маҥнайы» канал ыытааччыта Екатерина Андреева Иркутскайга кэлэн олимпийскай уоту тутуһан водалазтары кытта күөл түгэҕэр түһэ сырытта. Дойду бары телеканаллара кэпсээтилэр, Интернет-ресурсалар суруйдулар. Үчүгэйкээн Андрееваны тоҕо итиччэ үлүгэр сирдилэр?
Кур бэйэтэ кубулуйбат Андреева атыттары, эдэрдэри эфигэ таһаарбатынан дьону кыйахыыр буолуонс сөп диэн сабаҕалыыбын. 
Андреева маннай ОРТ, кэлин «Маҥнайгы» каналга уһуннук сонуннары ыытаачынан улэлээбитэ. Кэлин телеканал директора Константин Эрнст сонун салаатыгар хотунунан анаабыта. Шеф-редактор буолан баран эфиртэн тохтуо, үлэни тэрийиинэн, эдэрдэри үөрэтиинэн дьарыктаныа эбит. Мин өйдүүрбүнэн, салайааччы үлэтэ хаһаайыстыбаннай чааһы кытта быстыспат сибээстээх. Суох, киэһэ аайы эфиргэ хотун-куо: "В студии Екатерина Андреева..." -- диэбитинэн бэйэтэ тахсар.
Өйдүүрбүт курдук, икки-хас сыллааҕыта «Андреева 50 сааһын туолла, үбүлүөйдээтэ» диэбиттэригэр дойду бүтүннүү соһуйбута: "Оттон кыыс оҕо курдук дии!" Диетаны тутуһан, спордунан дьарыктанар киһи буоллаҕа. 
Мин көрдөхпунэ, Екатерина Андреева Пугачева хоруонатын кэтэргэ саамай барсар кандидат. Оттон Андреева Пугачева курдук, үс көлүөнэ көрөөччүлэр куттарын тута сылдьыа (холобур, Алла Пугачеваны ийэм сөбүлээн көрөрө, саҥа дьыл аайы ыллыырын (кинитэ уонна Галкина суох бырааһынньыктааҕы оливье сиэниллибэт) мин көрөбүн көрөбүн, аҕыстаах уолум Пугачева диэн кимин эмиэ билэр). Алла Борисовна оҕолонон-урууланан сыыйа дойду общественнай-политическай хонуутуттан тэйиэ, сыыйа умнуллуо. Андреева аҕыйах сылынан Александра Буратаева курдук, Госдумаҕа лэглэс гына олоро түстэҕинэ киһи соһуйумуон сөп.