Прокопий Бубякин
Янукович быыбарын иннинэ быһаарыылаах киьи этэ. Чэ, эбэтэр саамай кырата, "кытаанах салайааччы" диэн имиджтээх этэ. Кэтит сарыннаах багдайбыт улахан киһи телевизорга кытаанах-кытаанахтык саҥарталаан сүрдээх этэ. Ол Украина оччотооҕу президенин Виктор Ющенконы мөҕөр быьыыта. Билигин киһибит онтун көрдөрбөт. «Киһибит» диэн мээнэҕэ эппэтим, Янукович аан дойдуга «пророссийскай» президент быһыытынан сыаналанар. Кытанаах киһи диэн имиджтээх кэмигэр дойду "Партия регионов" диэн партиятын салайара. Торгууйдаһан-торгууйдаһан, оннооҕор, өстөөҕүн правительствотыгар премьер-министр дуоһунаһыгар тиксэ сылдьыбыта. Ющенко Юрий Ехануров диэн саха анардаах бүрээти премьеринэн анаабытын айдааны тардан уһултаран туран.
Билигин кэлэн тугу керебутуй? Янукович президент буолбута, ол эрэн кытаанах бэйэтэ эмиэ сыалыһар быарыныы сылаанньыйда. Украина президенин олбоҕо дьону сымнатан кэбиһэр дуоһунас дуу, тугуй?
Оппозиция миитинэ тарҕаьарыгар кини 15 күннээх болдьоҕу биэрдэ. Тугун уһаабытай? Бүтүн ый аҥара. Мин саныахпар, Путин эбитэ буоллар, 15 чааһы да буолбатах, 15 мүнүүтэни биэриэ этэ. Онуоха чемпион-боксер Кличко истибэтэҕинэ, 30-ча автозакка тиэллэн кэлбит омоновецтар начаас улугэр ыьыталыа этилэр. Боксеры бэйэтин таарыччы түҥнэрэн туран. Рингҕэ бокса уонна уулуссаҕа спецнацтыын охсуһуу арыый атын буолуохтаахтар. Украина уонна Россия политикаларын уратыта ити быьыылаах.
Бу күһүн Киевкэ тиийэ сылдьыбытым. Бүгүн хара буруонан уһуура турар, кирпииччэлэрин луомунан түөрэ-түөрэ "беркуттары" (Украина спецнаһа) быраҕаттыыр Майдан Незалежности (Площадь Независимости) болуоссаттарыгар сылдьыбытым. Наһаа көрсүө, эйэҕэс дьон хаамса сылдьаллара. Москваттан быдан ураты тыыннаах куорат этэ. Олохтоохтор кэлии дьонно олус эйэ5эстик сыһыаннаахтар. Крещатик устун хаама сырыттахха суобатайга «ua.free» диэн буор-босхо вай-фай Интернет хабарын көрөн олус астыммытым. Россия үрдүнэн, оннооҕор Москваҕа, ханна да маннык суох. Ыччатын да наһаа кыраьыабайдар, маанылар, аламаҕайдар эбит диэн көрбүтүм. Метроларын да иһигэр оннук сыһыан баара. Баара-суоҕа икки ыйынан сүүһүн аннынан эриличчи көрбүт бунтаардарга кубулуйуохтара диэн өйгө да суоҕа.
Стиль и орфография автора сохранены.
Мнение автора может не совпадать с мнением редакции.
Мнение автора может не совпадать с мнением редакции.
Комментарии
Авторизация на сайте через социальные сети