ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Прокопий Бубякин

Обсуждаемое

"Махталитет-комитет" аны иһиллибэт...

5 марта 2014, 11:51
Михаил соһуччу барда. "Кини эрэ буолбатар…" диэн толку дьон өйүгэр баара, ол соһумар сурах кэннэ. Бэҕэһээҥҥэ диэри театрынан, сыбаайбаларынан күлэ-үөрэ, дьону үөрдэ-көтүтэ сылдьыбыт бэйэтэ бүгүн суох. Соторутаагыта «Кэскил-3» киинэни устан «Детсаттар» кассовай ситиһии бөҕө буолбуттара. Бу киинэҕэ туох баар «ставка» барыта Михаилга ууруллубут этэ. Киинэ үс кылаабынай геройуттан иккитин кини оонньообута. Артыыс быһыытынан ситэн-хотон испитэ. Маннык соһумар түгэн саха ыччатын улаханнык уолутта. Онто да суох кризис, депрессия таһымныыр үйэтигэр. Кини өлүүтэ эрэ буолбатах, хайдах өлүүтэ...

Психологтар суицид туһунан олус сэрэнэн суруйар буолуҥ диэн суруналыыстары үөрэтэллэр. Психологтар «Вольтер геройун курдук буолбат гына» диэн холобурдууллар. Бу былыргы суруйааччы айбыт персонаһа тапталтан кэлэйэн моҥнон өлүүтэ олус романтичнайдык суруллубут буолан, Европа суицид эпидемията саҕаламмыта дииллэр. Маны былыргы сахалар да обществоҕа кутталлаах, сүрдээх сыстыганнаах ыарыы быьыытынан билинэллэр. Ол иһин буолуо, сыстыганнаах ыарыыны тарҕатымаары буолуо, бу олохтон маннык барбыт дьоҥҥо былыр «сахалыы көмүү» диэни киллэрдэхтэрэ...
Кини эмиэ киһи буоллаҕа. Соһумар түгэн кэннэ тус кыһалҕалардааҕа, олортон босхолоно сатыыр мөккүөрүгэр сылдьыбыта билиннэ... Сыыһа-халты үктээһин, быстах санааҕа баһыйтарыы. Саамай кыһыылааҕа, ааһар ааспытын, бүтэр бтүппүтүн кэннэ. Буолар буолтун кэннэ ааспыт түгэни «…эбитэ буоллар» диэн бириэиэҕэ туруоран кэпсиир сатаммат, ол эрээри мин син биир этэбин: Михаилга билигин талларар киһи кини олоҕу талыа этэ. Мөккүөрдээх, эриирдээх-бутуурдаах, көлөһүн тоҕуулаах, харах уулаах да буоллар, олоҕу талыа этэ, олоҕу!!!

Кыһыылаах, абалаах! Оо, Миша, Миша... 

Ханныгын да иһин, Михаил бэйэтин туһунан сахатын дьонугар сырдык, ыраас өйдөбүлү хаалларда. Саха кинематографията атаҕар туруутугар, театрбыт салгыы сайдыытыгар тус кылаатын киллэрдэ.

Тус бэйэтиттэн хаһан да аны истиэхпит суоҕа, сүрдээхтик дьоһумсуйан этэр, ыччакка тарҕаммыт этиилэриттэн биирдэстэрин: "Чэ, махталитет-комитет…"

Просмотров: 2757 Комментариев: 0 Автор: Прокопий Бубякин
Стиль и орфография автора сохранены.
Мнение автора может не совпадать с мнением редакции.

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ