Осетрово пордуттан иһитиннэрбиттэринэн, суднолар биэрэккэ тиксэр сирдэрэ тилэри бэлэмнэммит. Суднолар былааннаммыт 800 тыһ.тонна таһаҕаһы тиэйэрдии тураллар. Остерово пордун дириэктэрэ  Михаил Фокин: «Навигацияҕа былааммыт 800-тэн тахса тонна. Былырыын тиэйбит таһаҕаспыт 650 тыһ.тонна этэ. Ити 2012 сылы кытта тэҥнээтэххэ, 24 % кыра. Быйылгы сабаҕалааһын төһө да соччо бэрдэ суоҕун иһин, биһиги ылбыт тэтиммитин ыһыктыбакка үлэлиибит».

Навигацияҕа сыл аайы быһыы-майгы хатыламмат, уларыйа турар. Судоходствоҕа, таһаҕаһы тиэйиигэ үлэлиир дьон муус барыытын, харыытын кыраҕытык кэтииллэр. Итини кинилэртэн үлэлэрэ эрэйэр.

Саха сиригэр олоҕу хааччыйар аһы-үөлү, малы-салы, о.д.а. тиэрдии стратегическай суолталаах. Итиниэхэ быһыыны-майгыны, хас биирдии хамсаныыны барытын эрэллээх флот сүрүннүүр.

«Күн-дьыл туруга – сороҕор киһи үөйбэтэҕин-ахтыбатаҕын да таһаарар, хаппырыыс хотун. Навигация кылгас кэмигэр хайа да түгэҥҥэ биһиги сыалы-соругу ситиһэхтээхпит», - диэн Росморречфлот экспертнэй сэбиэтин мунньаҕын иннинэ этэллэр.

Үлэни сүрүннээччилэр, өрүс үлэһиттэрэ, о.д.а. навигация боппуруоһун дьүүллэһиэхтэрэ, күүһү аттаран туруоруохтара уонна үбү-харчыны тыырыахтара.