Бу туһунан СИА-ҕа РФ Силиэстийэҕэ кэмитиэтин Саха сиринээҕи управлениетыттан иһитиннэрдилэр. Алдан оройуоннааҕы силиэстийэлиир кэмитиэтэ оскуола дириэктэрэ буруйун дакаастыыр туоһуну хомуйбут. Дириэктэри биириигэбэрдииргэ сөптөөх туоһу хомуллубут.

РФ Силиэстийэҕэ кэмитиэтин Саха сиринээҕи управлениетыттан салайааччытын көмөлөһөөччү Надежда Дворецкая этэринэн, оскуола дириэктэрэ РФ ХК 160 ыст.3 чааһынан (сулууспатынан туһанан, атын киһи баайын иҥэринии) буруйданар.

Силиэстийэ уонна суут кэмигэр быһаарыллыбытынан, дириэктэр 2010-2012 сылларга бэйэтин тус бирикээстэригэр олоҕуран, уопсастыбаннай сэбиэт быһаарыыта суох бюджет үбүн-харчытын иҥэриммит. Бу кэм устатыгар дириэктэр 300 тыһ. кэриҥэ солк. уорбут.

Бэрэбиэркэ бара турар кэмигэр кини муниципальнай тэриллиигэ оҥорбут хоромньутун толору төннөрбүт.

Кинини буруйдааҕынан ааҕарга уонна икки сылга условно көҥүлүн хаарчахтыырга суут бириигэбэрдээтэ.

Адлан оройуонун дьаһалтатын үлэһиттэрэ дуоһунастаах эбээһинэстэрин ситэри толорботторуттан сылтаан маннык буруй оҥоһулларыгар кыах үөскэтиллибит.