Профессор Кенджи Йошикава «Оскуолаларга мерзлотомер» программаны олоххо киллэриини   2006 сыллаахха Аляска штат хас да оскуолаларыгар прибордары туруорууттан саҕалаабыта.  2007 сыллаахха итинник станциялар Скандинавия дойдуларын, Монголия, Канада уонна Россия кэккэ оскуолаларыгар баар буолбуттара. Саха сиригэр программаны профессор Йошикава уонна ХИФУ хоту сири үөрэтии кафедрата кыттыһан ыыттылар.

Бу программа чэрчитинэн мерзлотомердар  Абый, Нерюнгри, Нам, Уус-Алдан, Амма, Томпо, Үөһээ Халыма, Өймөкөөн оройуоннарыгар туруорулуннулар.

Мерзлотовед Кенджи Йошикава Фэрбэнкс Университетын профессора. Кини Хотугулуу-Илиҥҥи федеральнай университекка Fullbright  программанан кэлбитэ, университет хоту сири үөрэтэр кафедратын ыҥырыллыбыт профессора, ону таһынан «Оскуолаларга мерзлотомер» «  аан дойдутааҕы программа салайааччыта.

Олунньу 6 күнүгэр информационнай агентстволарга Муома оройуонун Сааһыыр нэһилиэгиттэн   100 километрдаах сиргэ икки учуонай хаарга хаайтарбыттарын туһунан иһитиннэрии тахсыбыта.  Официальнай дааннайдарынан, учуонайдары хаар билиэнтэн ситиһиилээхтик быыһаабыттара.  

«Кенджи Йошикава Сергей Сериковтыын тохсунньу  26 күнүгэр Хаандыга-Томтор-Уус-Ньара-Зырянка хайысханан айаннарын саҕалаабыттара. Кинилэр каферда үлэһиитэрин кытта сотору-сотору сибээскэ тахсаллар уонна GPS көмөтүнэн ханна баалларын биллэрэллэр», – диэн университет хоту сири үөрэтэр кафедратыттан иһитиннэрэллэр.