Европаҕа аан дойдуга бастыыр иһин ыччат күрэхтэһиилэрин кыттааччыта  Асим Павлов Таганрог куоракка соторутааҥҥыта эмиэ хамаанданан ытыыга Россия Кубогын ылбыттара. Хамаандаҕа  Иван Полятинскай,  Михаил Филатов бааллара. Розалия Тимофеева (Горнай, тренерэ А.Тимофеев) эмиэ бу күрэхтэһиигэ улахан ситиһиилэммитэ. Кини квалификационнай ытыыга Россия хамаандатыгар сүүмэрдэнэн, Европа күрэхтэһиитигэр кыттыаҕа.

Республика эдэр охчута  Павел Алексеев-Стасов (Хаҥалас, тренерэ А. Тимофеев) оҕунан классическай ытыыга 6:4 ахсаанынан Забайкальеттан кыттыбыт  Эрдем Должиновы  кыайан, юниордар ортолоругар боруонса мэтээли ылар чиэскэ тиксибитэ. Боруонса мэтээл иһин киирсиигэ Айаал Федоров Бурятияттан киирбит Болтакокка 9:10 ахсаанынан хомойуох иһин хотторбута.