2014 сыл ыам ыйын 4 күнүнээҕи, сарсыарда 08:00 чаастааҕы туругунан Кангалас тумулун таһыгар өрүс уутун таһыма 598 см, 4 чаас иһигэр уларыйыы +23 см. 10:00 чааска Өлүөнэ өрүс тардыытын управлениетын үлэһиттэрэ өрүс туоратын тухары муус хамсаабытын бэлиэтээтилэр.

Муус харыыта тахсыан сөптөх Ленскэй оройуонун Батамайскай арыытыттан уонна Кангалас тумулуттан онлайн-трансляция барар.

Александра Чирикова, Өлүөнэ өрүс тардыытын управлениетын пресс-сэкэритээрэ:

- Үгүстэр бу онлайн-трансляциянан өрүскэ муус устуутун барытын көрөн олорорбут курдук саныыллар. Оччотугар саамай улахан өрүстэртэн биирдэстэригэр төһө камераны туруоруохха нааданый? Быйыл муус устар 26 күнүттэн ыла муус харыыта тахсыан сөптөөх Ленскэй оройуонун Батамайскай арыытыттан уонна Кангалас тумулуттан онлайн-трансляцияны оҥоробут.

 2012 сылтан ыла бу бырайыак сылын аайы ыытыллар.