ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

2 июня 2014, 15:33

Саха сирин 1000 тахса оҕотун Санкт-Петербург быраастара көрүөхтэрэ


Санкт-Петербург куораттан Саха сиригэр кэлбит быраастар бөлөхтөрө уон күн устата тыһыынчаттан тахса оҕону көрүөхтэрэ, сүбэ-ама биэриэхтэрэ. Регионнар икки ардыларынааҕы информационнай-чэбдигирдэр «Доруобуйа долгуна – бииргэ биһиги күүстээхпит!» акция бэс ыйын 1 күнүттэн ыла саҕаланна.

«Бүлүү өрүһүнан теплоходунан устан Сангаар, Үөһээ Бүлүү, Ньурба улуустарын оҕолорун көрүөхпүт, олохтоох балыыһаларга көмөлөһүөхпүт», - диэн СИА-ҕа эттэ акция кыттыылааҕа Санкт-Петербургтааҕы государственнай- педиатрическай медицинскэй университетын доцена  Юрий Куличкин.

Акцияҕы кыттар аҕыс быраас бука бары үрдүк категориялаахтар. Кинилэр биир идэлээхтэрин кытта билиилэрин, уопуттарын атастаһарга бэлэмнэр. «Биригээдэбит идэтийиитэ улахан.Саха сирин кытта дуогабар чэрчитинэн үлэлииргэ бэлэммит. Ыарыыны эрдэттэн сэрэтиигэ республика дьаныардаахтык үлэлиир. Мин уонтан тахса сыл бииргэ үлэлээбит кэммэр бу кыһалҕа быһаарыллар суолга киирэн эрэр. Доруобуйа харыстабылын министиэристибэтигэр үлэлэригэр олус бэриниилээх дьон бааллар», - диэтэ Куличкин.

«Быраастар айанныы сылдьан оҕолору көрбүттэрэ урут хаһан да суоҕа. Кинилэр медицинскэй эрэ буолбакка, информационнай көмөнү оҥоруохтара», - диэтэ доруобуйа харыстабылын миниистирэ Александр Горохов.

 «Үүнэр көлүөнэ доруобуйатыгар республика баһылыга уонна правительствота улахан болҕомтону уурар. РФ бары быраастарыгар улахан махталбыт тиэрдэбин», - диэтэ СР правительствотын председателин солбуйааччы Александр Власов.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 3572 Источник: ЯСИА Автор: Елена Бочкарева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ