Рейтинг түмүгүн таһаарарга социология даннайдарын, субъект экономическай көрдөрүүтүн, баһылыктар үлэлэрин регионнааҕы уонна федеральнай көрдөрөр-иһитиннэрэр тиһиктэргэ сырдатыыны, экспердэр санааларын учуоттаабыттар. Губернатордары барыларын көрдөрүүлэринэн көрөн «олус үрдүк рейтинг», «үрдүк рейтинг», «орто рейтинг», «ортоттон намыһах рейтинг» диэн түөрт бөлөххө араарбыттар.

Инники иһэр бөлөххө эрдэ эппиппит курдук, Дмитрий Кобылкин, Калуга уобалаһын баһылыга  Анатолий Артамонов, Татарстан баһылыга  Рустам Минниханов, Белгородскай уобалас салайааччыта Евгений Савченко уо.д.а. киирбиттэр. Москва мээрэ Сергей Собянин урукку көрдөрүүтүн биллэ тупсарда.

Брянскай уобалас салайааччыта  Николай Денин, Хотугу Осетия баһылыга Теймураз Мамсуров, Карелия салайааччыта Александр Худилайнен, Перьм уобалас губернатора  Виктор Басаргин, Ярославскай уобалас салайааччыта Сергей Ястребов уонна Тверь уобалаһын губернатора  Андрей Шевелев мөлтөх  үлэлээхтэр ахсааннарыгар киирдилэр.

Саха сирин баһылыгын э.т.  Егор Борисов үрдүк көрдөрүүлээх салайааччылар ортолоругар бэлиэтэнэр. Ааспыты кытта тэҥнээтэххэ, кини биир таһым өрө таҕыста.