Кулун тутардааҕы көрдөрүүнү кытта тэҥнээтэххэ,  Егор Борисов 46 пууну өрө таҕыста. Уһук Илин регионнарын салайааччыларын испииһэгэр бастакы иһэр. Саха сирин баһылыгын э.т. Краснодарскай кыраай баһылыгын  Александр Ткачеву, Москва уобалаһын губернаторын  Андрей Воробьеву, Тульскай уобалас губернаторын  Владимир Груздевы куоһаран, кэннигэр хааллартаата.

Телевидение, радио, бэчээт эйгэтин үлэһиттэрэ Егор Борисовка болҕомтолоро туохтан улаатта? Кини болдьоҕу иннинэ быыбарга кыттара эрэ буолбакка, күннээҕи үлэтэ итиниэхэ быһаччы дьайда. Егор Борисов «Газпром» ААО председателин солбуйааччы  Валерий Голубевы кытта көрсүһүүтэ манна ахтыллар.

Губернатордар рейтиннэрин инники күөнүгэр, буоларын курдук, Москва мээрэ Сергей Собянин, кини кэнниттэн Крым республикатын баһылыга Сергей Аксенов  иһэр. Крым соторутааҥҥыта Россия састаабыгар киирбитэ итиниэхэ сүрүн олук буолбута саарбахтаммат.