Көрдөрөр-иһитиннэрэр тиһиктэргэ бэчээттэннии ахсаанынан Егор Борисов иккис миэстэҕэ иһэр. Манна Приморскай кыраай губернатора Владимир Миклушевскай инники кэрдиискэ турар. Кулун тутарга Саха сирин Президенин туһунан 843 иһитиннэрии бэчээккэ тахсыбыт.

Рейтинг үрдээһинин  Егор Борисов www.egorborisov.ru сайтка «От первого лица» блогун кытта ыкса ситимниэххэ сөп. Манна Президент республикаҕа сытыырхайан турар кыһалҕа тула санаатын аһаҕастык үллэстэр. Ону таһынан ааспыт ыйга федеральнай таһымнаах политиктар, спортсменнар, уопсастыбаннай деятеллэр кыттыылаах араас тэрээһиннэр буолбуттара. Холобур, РФ Правительствотын вице-премьера  Юрий Трутнев, юстиция миниистирэ  Александр Коновалов, спортивнай тустуу федерациятын президенэ  Михаил Мамиашвили, о.д.а. биллэр-көстөр дьон кыттыбыт мунньахтара. «Чжода» Кытай инвестиционнай корпорациятын генеральнай дириэктэрэ Янь Чжаньфу, о.д.а Саха сиригэр кэлэ сылдьыбыттара. Ону таһынан республика Президенэ Егор Борисов Беркакит-Томмот-Дьокуускай хайысханан тимир суолу тутуу генеральнай бэдэрээччитин уларыппыта — суруналыыстар болҕомтолорун киинигэр турбут.