Чаҕылҕан саха литературата 1930-40-50 сылларга сайдарыгар биир сүдү суруйааччы айымньылаах үлэтин үгэнигэр сылдьан, олох эдэригэр 38 саастааҕар олохтон туораабыта. Чаҕылҕан суолунан эдэр поэттар үүнэллэр, саха сирин бары муннуктарыгапр редакциялар элбииллэр, тэнийэллэр, сүдү күүстээх айымньылар чаҕылҕанныы күөрэйэллэр.

Бэс ыйын 21 күнүгэр Нам улууһугар Хатын-Арыы нэһилиэгин ыһыахтыыр түһүлгэтигэр Араассыыйа култууратын сылынан, биллииллээх поэт, переводчик, литератор Илья Дорофеевич Винокуров – Чаҕылҕан төрөөбүтэ 100 сылын бэлиэтээн, кини айымньыларын толорууга «Чаҕылҕан эгэлгэ талааннарынан» республиканскай күрэх биллэриллэр.

Сыала – соруга: · Норуот таптыыр, сүгүрүйэр поэтын И.Д. Винокуров – Чаҕылҕан олоҕун, үлэтин, айымньыларын үйэтитии.

· Саха норуотун уһулуччулаах суруйааччыларын айымньыларын, олохторун – үлэлэрин холобурдарын үүнэр көлүөнэҕэ ситими быспакка тириэрдии, ыччат духуобунай баай оҥосторугар, сайдыытыгар дьоһун дьон буола улаатарыгар туһаайаллар.

Күөн - күрэххэ кыттыыны ылыахтара уус – уран самодеятельность кыттыылаахтара, ырыа ансаамбыллара¸биирдиилээн толорооччулар, театральнай коллективтар¸литературнай түмсүүлэр.

Күөн – күрэс ирдэбилэ:

· И.Д. Винокуров – Чаҕылҕан поэмаларыттан быһа тардыылар, хоһоонноругар, үгэлэригэр уус – уран ааҕыылар.

· Чаҕылҕан хоһоонноругар, бөөрөбүөттэригэр ырыа бары көрүҥнэрэ, ариялар, романстар¸ дэгэрэн¸дьиэрэтии.

· Литературнай – музыкальнай дьүһүйүүлэр, инсценировкалар.

Кыайыылаахтарга лауреат, дипломант ааттара иҥэриллиэхтэрэ, грамоталарынан наҕараадаланыахтара, тэрийээччилэр уонна биһирээччилэр ааттарыттан анал ааттар, сыаналаах бириистэр тосхойуохтара.