- Бастакынан тыл ылбыт РФКП Саха сиринээҕи тэрилтэтин сэкирэтээрэ Александр Гаврильев Николай Егоровичка «Дети войны» мэтээли туттарда. Урсун айар үлэтин туһунан дакылааты саха народнай поэта Наталья Харлампьева оҥордо, СР Ил Дарханын Бочуотунай грамотатынан наҕараадалыыр туһунан Ыйааҕы кытта билиһиннэрдэ, СР Бырабыыталыстыбатын бэрэссэдээтэлэ Галина Данчикова Махтал суругун туттарда. Россия Суруйааччыларын союһун бэрэссэдээтэлэ Валерий Ганичев, Госдума депутата Федот Тумусов уонна Амматтан, Томпоттон, Кириэс Халдьаайыттан кэлбит эҕэрдэ телеграммалары ааҕан иһитиннэрдэ.
- Народнай суруйааччы Николай Лугинов бэйэтин этиитигэр Урсун курдук киэҥ билиилээх редакторы, биллиилээх суруйааччыны, үтүө киһини кытта билсэн үгүһү билбитин, элбэххэ үөрэммитин бэлиэтээтэ.
- Народнай поэт Иван Мигалкин, «Бичик» кинигэ кыһатын дириэктэрэ Август Егоров, Саха сирин Суруналыыстарын союһун бэрэссэдээтэлэ Галина Бочкарева, академик Дмитрий Саввин, "Сахабэчээт" АУ директора Филипп Пестряков, Реас Алексеевич Кулаковскай кыыһа Людмила Кулаковская, артыыс Куприян Михайлов уо.д.а. үбүлээргэ истиҥ тылларын анаатылар. Таатта, Чурапчы, Нам улуустарыттан кэлбит делегациялар Николай Егоровиһы «улахан поэт, кэрэ киһи, бастыҥ редактор» диэн туран истиҥник эҕэрдэлээтилэр, араас таһымнаах бочуоттаах бэлиэлэри түөһүгэр анньан үөртүлэр, бэлэх-туһах биэрдилэр.
- Тэрээһиҥҥэ эстрада артыыһа Елена Старостина-Хотун Арылы, опера ырыаһыта Дмитрий Тихонов, мелодист Алексей Калининскай сахалыы ырыанан, Урсун сиэннэрэ уонна эдэр поэттар Гаврил Андросов, Долгуура, Рустам Каженкин, Яна Байгожаева үбүлээр хоһооннорун ааҕан, Пушкин аатынан Национальнай библиотека Урсун айар үлэтигэр анаан тэрийбит быыстапката дьоро киэһэни киэргэттилэр.
- Урсун 70 сааһыгар аналлаах тэрээһиннэр салгыы Уус-Тааттаҕа ыытыллыахтара.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети