Кыттааччы аҕыйах да буолбутун иһин, И.Винокуров-Чаҕылҕан сүдү айымньылара кэлэр кэнчээри ыччакка тарҕаммыттара киһини үөрдэр, кэрэхситэр. Куонкурус икки көрүҥҥэ ыытылынна: хоһоонунан дьүһүйүүгэ уонна ырыаҕа. Бастакы көрүҥҥэ ордук чуолаан литературнай түмсүүлэр көхтөөх кыттыыны ыллылар. Онтон ырыаҕа Нам сэлиэнньэтиттэн «Дьүөгэлэр» ырыа ансаамбыла соҕотох кытынна, маны таһынан Өксөкүлээх Өлөксөй аатынан норуоттар доҕордоһууларын дьиэтин анал бирииһин кытары кыайыылаахха анаммыт улахан бирииһи ылла.

Хоһоонунан дьүһүйүүгэ бастакы миэстэни Нам улууһун Хатыҥ Арыы Орто оскуолатын үрдүкү кылааһын үөрэнээччилэрэ ылыан ыллылар, иккис миэстэ И.Винокуров-Чаҕылҕан аатынан Намнааҕы алын сүһүөх оскуолатын үөрэнээччилэригэр тигистэ, салҕыы үһүс миэстэни Нам улууһун I Хомустаах нэһилиэгин «Төлөн» литературнай түмсүүтэ ылла. Маны таһынан, биһирэбил бириистэр Нам улууһун Кыһыл Дэриэбинэтин «Хотойук» литературнай түмсүүтүгэр уонна Партизан нэһилиэгин хоһоон ааҕааччыларын куруһуогар ананнылар.

Инникитин даҕаны биллиилээх поэт, тылбаасчыт уонна литератор И.Винокуров-Чаҕылҕан киһини үчүгэйгэ уһуйар чулуу айымньылара саха дьонун кутун тута¸ сүргэтин көтөҕө туруохтара диэн эрэх-турах санаалаах хааллыбыт.