Республика аҕа саастаахтарын сэбиэттэрин бэрэссэдээтэлэ  Люлия Григорьева СИА-ҕа эппитинэн, былаан быһыытынан Жатай уопутун үөрэппиттэр. Альбина Лыхина салайааччылаах хамыыһыйа бөһүөлэк социальнай-экономическай балаһыанньатын ырыппыт. Сэбиэт  Анатолий Кистеневтан холобур ыларга сүбэлиир.

Сэбиэт чилиэнэ  Климент Иванов бары Анатолий Кистенев курдук үлэлииллэрэ эбитэ буоллар, республика туруга кылгас кэм иһигэр биллэ тупсуох этэ.

Жатай социальнай көрдөрүүтүнэн, элбэх муниципальнай тэриллиилэр иннилэригэр иһэр. Саахалланар кутталлаах эргэ дьиэлэртэн көһөрүү үлэтэ түмүктэнэн эрэр, буруйу оҥоруу, үлэтэ суох буолуу лаппа намтаабыт. 10 тыһ. киһилээх Жатай бу сыллааҕы бюджета 1 млрд. солк.

Үөрэх эйгэтин үлэһиттэрин орто хамнаһа 68 тыһ., оҥорон таһаарыы тэрилтэлэрин орто хамнаһа 38 тыһ. солк., культура — 26 тыһ. солк.

Олорор дьиэ фондатыгар ураты болҕомто ууруллар. Энергияны кэмчилиир дьиэлэр тутуллаллар. Олох бары эйгэтин хабар 24 муниципальнай бырагыраамалар үлэлииллэр.