Эр дьон, дьахталлар уонна эдэр уолаттар от охсуутугар күрэхтэстилэр.

Былыырыыҥҥы бу күрэхтэһии кыайыылааҕа Мэҥэ-Хаҥалас олохтооҕо Вячеслав Окороков  былырыын сытыы хотуурдаах уонна от хойуута суох буолан кыайбытын туһунан эттэ.

«Синтай» дьоҕус тырахтарынан охсууга түөрт сыл тухары Таатта олохтооҕо Николай Афанасьев тэҥнээҕин булбатах. Быйылгы күрэхтэһиигэ кини кыттыбыта.

Кыайыылаах төһө хаачыстыбалаахтык охсубутун дьүүллүүр сүбэ көрдө. Уус-Алдантан сылдьар  Василий Аммосов  (0,922 гектара) бастыҥынан ааттанна. Былырыыҥҥы кыайыылаах Вячеслав Окороков 0,827 га сири охсон иккис буолла. Оттон Мэҥэ-Хаҥалас олохтооҕо Афанасий Сивцев  (0,814 га) үһүс буолла.

Дьахталларга Мэҥэ-Хаҥалас Ороссолуодатын олохтооҕо  Любовь Владимироваҕа тэҥнээх охсооччу көстүбэтэ. Кини көрдөрүүтэ – 0,318 га. Иккискэ — Уус-Алдантан кыттыбыт Екатерина Белолюбская (0,277 га), оттон үһүскэ Горнайтан  Марина Андреева  (0,276 га) таҕыста.

Эдэр уолаттар ортолоругар Мэҥэ-Хаҥалас Табаҕатыттан кыттыбыт  Анатолий Захаров кыайыы көтөллөннө.

Чүүйэлэр  Георгий Никифоров  - бастакы,  Николай Дмитриев - иккис,  Алексей Дмитриев - үһүс. Кинилэр бириистээх миэстэлэри барытын ылан, үөрүүлэрэ муҥура суох.