«Бриллиантовай циркэ» Кытай, Германия, Италия, Франция артыыстарын уонна жюри чилиэннэрин көрсөр. Фестиваль Государственнай циркэ тэриллибитэ 20 сылыгар ананар. Аан дойду араас муннуктарыттан кэлбит артыыстар сөҕүмэр талааннарын көрөр кыахтанныбыт.

«Артыыстары, сүрүн жюрины таһынан пресса жюрита кыттар: аан дойдуга албан ааттаах «Планета Цирка» сурунаал, Европа циркэтин ассоциациятын управляющайа Хельмут Гроскур, «Латина» норуоттар икки ардыларынааҕы фестиваль президенэ Фабио Монтико, о.д.а. улахан ааттаах-суоллаах ыалдьыттар бааллар. Бэс ыйын 20 күнүгэр кинилэри барыларын олоҥхо Ыһыаҕар илдьиэхпит», - диэтэ Саха сирин циркэтин дириэктэрэ Сергей Расторгуев.