«Дьокуускайга, Үөһээ Дьааҥыга, Уус-Маайаҕа, Сунтаарга, Өлүөхүмэҕэ, Мэҥэ-Хаҥаласка, Бүлүүгэ,Ньурбаҕа, Алдаҥҥа, Намҥа дьон буруйунан баһаар тахсыбатын туһугар дьон ойуурга сылдьыытын хаарчахтаатылар. Ленскэйгэ ыксаллаах быһыы-майгы биллэрилиннэ", - диэн Уһук Илиннээҕи регионнааҕы киинтэн иһитиннэрдилэр.

Бэс ыйын 23 күнүгэр Хабаровскайтан Бе-200 самолетунан 22 быыһааччы баһаартан быыһыырга көмөлөһөр соруктаах кэллилэр.

Космос информациятын бэрэбиэркэлиир лаборатория Владивостоктааҕы филиалын даннайдарыгар этиллэринэн, Уһук Илиҥҥэ күн аайы араас айылҕа быһылаана тахса турар. Ол курдук, Саха сирин нэһилиэнньэлээх пууннарын, суоллар, оттуур ходуһалар тастарыгар кураанах оттон умайыыта тахсар.

Куйаас күннэр туралларынан уоту туттарга сэрэхтээх буоларга, сынньалаҥ сирдэрин хаарчахтыырга, баһаар куттала суох буолуутун хааччыйарга ЫБММ ыҥырар.