Сэтинньи 21 күнүгэр Абый улууһун баһылыгын солбуйааччы Владимир Ильин иһитиннэрбитинэн, оройуоҥҥа уонна Үрүҥ Хайа бөһүөлэгэр балаһыанньа биир кэминэн, нэһилиэнньэ бары наадалааҕынан хааччылынна. Сылааһы уонна уоту биэриигэ кэһиилэр суохтар. Бары олоҕу хааччыйар систиэмэлэр үлэлииллэр.

Ол да гыннар, Владимир Ильин Абый улууһугар ыксаллаах быһыы-майгы режимин киллэриини өйүүр. Тоҕо диэтэххэ, көннөрү режимҥэ үлэлии сылдьан, оройуоҥҥа баар «ОДЬКХ» ГУП, «Сахаэнерго» ААО, «Саханефтегазсбыт» ААО уонна атын республикатааҕы тэрилтэлэр филиаллара бэйэлэрин дьайыыларын хампаанньалар үрдүкү турар салайааччыларын кытта сөбүлэһэн оҥоруохтаах этилэр.

Оттон ыксаллаах быһыы-майгы биллэриллиитэ Абый оройуонугар суһал штаб тэриллиитэ бары тэрилтэлэр ханнык ведомствоҕа бас бэринэллэриттэн тутулуга суох бу штаб быһаарыытын толорор соруктаахтарын бэлиэтиир.

Оннук гынан, Абый оройуонун территориятыгар ЫБ биллэрии бары баар күүстэри уонна баар кыаҕы кыһыҥҥы суол эрдэ аһыллыытыгар уонна массыына транспорынан оройуон туһатыгар оттук- энергетическэй баайы тиэрдиигэ түмэргэ көмөлөһүөҕэ.