100 уонна 200 м спринт

Эр дьон

Финалга 100 м кэлиҥҥи квалификационнай күрэхтэһиилэргэ  Михаил Жарин уонна Сергей Чунарев кыттыбатахтарын да үрдүнэн, түөрт быһый сүүрээччи 11 сөкүүндэттэн түргэн көрдөрүнү ситиспиттэрэ. Маннык түргэн финал уруккута биһиэхэ хаһан да суоҕа.

Эр дьон ортотугар эмиэ түөрт сыллааҕыта курдук, республика рекордсменыттан, Кэбээйи улууһуттан төрүттээх, Сангаардааҕы оҕо спортивнай оскуолатын иттиллээччититтэн, Россия спордун маастарыттан, 2010 сылга Иркутскай сүүмэрдэммит хамаандатыгар кыттыбыт, 4 х 100 м эстафетаҕа Россия кубогын кыайыылааҕыттан  Вячеслав Егоровтан (тренердэр Олег Александров, Арина Кочкина, Василий Шкурбицкий)кыайыыны күүтэбит.

Спринт сүүрүүгэ республика хас да төгүллээх чемпиона  Михаил Жарин сүүрүү биэтэгэр тахсыаҕа. Былырыын кини Манчаары спартакиадатыгар 100 м уһуҥҥа Егоровы кыһыылаахтык кыайбыта.  

Бу икки быһый сүүрээччигэ эдэр уонна улахан кыахтаах күрэстэһээччи көһүннэ. Кини — Сергей Чунарев. 100 уонна 200 м. уолаттар ортолоругар Сергей Россия таһымыгар түөрт төгүл бириистээх миэстэлэргэ тиксибитэ. Дьокуускайтан сылдьар Сергей Чунарев 100 м. республика финалыгар Жаринтан кыайыыны мүлчү туттаран ылбыта. Нэдиэлэ анараа өттүгэр кини юниордарга 200 м. боруонса мэтээли ылла. Намҥа буолар спорт түһүгэтигэр Вячеслав Егоров, Михаил Жарин уонна Сергей Чунарев мэтээл ылар иһин илин-кэлин түсүһүөхтэрэ.

Дьахталлар

Россияҕа бастыыр иһин күрэхтэһиигэ үс төгүл кыайбыт Дианы Адасько көрдөрүүтэ олус үчүгэй. Ол эрээри кини эдэрэ бэрт буолан кыргыттары кытта күрэхтэһиэҕэ.Ксения Головныҕы, Евгения Чижигы кытта күрэстэһиэҕэ. Онон, дьахталларга 100 м уһуҥҥа 60 м республика рекордсмена, хас да спортивнай оонньуу кыайыылааҕа уонна призера Арина Югова (Кочкина) инники кирбиигэ тахсар. Кыайыы иһин кинилиин Ленскэйтэн төрүттээх эмиэ элбэх спортивнай оонньуулар кыайыылаахтара  Ольга Шкаленова киирсиэҕэ.

 Валентина Иванова, Татьяна Олешко-Афанасьева уонна Елена Винокурова бириистээх миэстэ иһин күрэхтэһиэхтэрэ. Муҥутуур бастыҥ көрдөрүүнү Дианы Адасько ылыа диэн сабаҕалыыбын.

Республикаҕа саҥа рекорду охсубут, 4 х 800 м эстафетаҕа аан дойду призера, 200, 400, 800 м уһуннарга республика рекордсмена Светлана Рагозина кыайыа. Республика чемпиона Екатерина Четвертакова,  Арина Югова, Ольга Шкаленова бириистээх миэстэни былдьаһыахтара. Рагозина кэнниттэн бастыҥ көрдөрүүнү Диана Адасько ситиһиэ дии саныыбын.

400 м

Эр дьон

800 м. Россия юниордарын ортолоругар хас да төгүллээх призера Максим Овчаренко  Сергей Томилов икки ардыларыгар сытыы киирсии буолара күүтүллэр. Бириистээх миэстэлэргэ Максим Егоров, Григорий Пичугов, Иван Парников,  Дмитрий Наумов дьулуһуохтара.

Дьахталлар

20 саастаах спорт маастара Светлана Рагозина күрэхтэһиигэ кыайар толору кыахтаах.Галина Животова, Екатерина Четвертакова уонна Ольга Лештаева биириистээх миэстэр иһин киирсиэхтэрэ.